گستاخی دلکش تحریر

گستاخی
ایک محترم کا اعتراض آیا ،آپ نے پہلو میں کیوں رکھا ہوا ہے خدا کو ، دل میں کیوں نہیں رکھتی،، یہ گستاخی ہوئی جناب ...
ہیں ؟؟ گستاخی ؟؟
میں نے اپ سے پوچھا ، دل کہاں ہوتا ہے ،میرے خیال کے مطابق تو پہلو میں ، کہیں آپ کے خیال محترم کے مطابق ، دل، پاؤں میں تو نہیں ہوتا ؟؟ ..

اب کہو گے توبہ توبہ ، الله کا نام لے رہی ہو ، ساتھ میں پاؤں کا ذکر کاہے کو کرتی ہو بی بی ؟؟ بے ادب ..
اچھا میں بے ادب ہوں .. ٹھیک ہے ..
تم محترم یہ بتاؤ ، وہ حدیث سن رکھی ہے جس میں کہا جاتا ہے ،
تم "اس" کے کاموں میں مشغول ہو جاؤ تو وہ تمہارے ہاتھ بن جاتا ہے ، جس سے تم کام کرتے ہو ، ، وہ تمہاری آنکھ ، کان بن جاتا ہے، جس سے تم دیکھتے ، سنتے ہو .. وہ تمہارے پاؤں بن جاتا ہے، جب تم چلتے ہو "
اب بتاؤ، یہ سب کیا تھا ؟؟
اگر میں نے تمہیں یہ بتا دیا کے میں دعا کیسے مانگتی ہوں تو تم نے مجھے حد ادب کہہ کہ جوتا اٹھا لینا ہے ، دیکھو ، میں اسکی چادر کا کونہ پکڑ لیتی ہوں ، اور تب تک نہیں چھوڑتی جب تک، دل مطمئن نہ ہوجاے، (دعا قبول ہو یا نہ ہو)
اب تمآرا اگلا اعتراض، چادر ؟؟ الله چادر کا محتاج نہیں ....
سنو یہ نہیں سنا کبھی " کبیرائی اس ذات کی چادر ہے ، اور جو انسان وہ کھینچے گا ، وہ فلاں فلاں ہوگا "
بھئی میں کھینچتی نہیں ہوں، صرف تھام کے رکھتی ہوں ، کیوں کہ مجھے اسکی تمام صفات میں ، غرور کی صفت بہت پسند ہے ، میں نے اسے پہچانا ہی اس صفت سے ، وہی ،صرف وہی ، مجھے تکبر کرنے کے قابل لگتا ہے .. مجھے لگتا ہے، تکبر اس پہ واجب ہے ..
اوہ .. واجب ؟؟ ابّ تم نے بیلٹ اٹھا لینا ہے ، کہ واجب تو صرف انسان پہ ہوتا ہے ، خدا پہ نہیں ..
بھائی بیلٹ رکھو ، وہ نہیں سنی بات ، الله نے خود پہ اپنی رحمت "واجب" کررکھی ہے ؟؟
وہ کہتا ہے، مجھے ھر جگہ ساتھ ساتھ رکھو ، میں دسترخوان پہ اسے ساتھ بیٹھا لیتی ہوں ، بازار من چلتے وقت اسکی انگلی پکڑ لیتی ہوں .. کیا بے ادبی کرتی ہو ں ؟؟
آ جی . آپ کے محترم ذھن ، میں الله کی ذات، کوئی جاگیردار، یا کسی مزار کا کوئی پہنچا ہوا بزرگ ہے، جس کی "یاد" کا ہاتھ تھامنا ، پاس دسترخوان یا پہلو میں بیٹھنا ، گستاخی ہوجاے گی ؟؟
اگر ایسا ہے ، تو اکرم بخاری نے خوب ہی کہا تھا ، جس کی سمت ، جس کا قبلہ ہی غلط ہو، اسے کیا کہا جائے .. خدا کو سمجھننے کے لئے ٹھیک سمت کا اندازہ کیسے ہوگا ، اس کے لئے نعمان بخاری کے تصوف کے لیکچرز موجود ہیں .. ویسے یہ جو فیس بکی "بخارات" ہے نا ، بڑی پتہ کی بات کرتے ہیں ..
ان دونوں بخارات نے میری اور آپکی مشکل تحلیل کر دی . جس نے اپنی سمت پہ نظرثانی نہ کیا اور وہ لیکچرز نہ پڑھے، وہ "آگہیء ذات خدا" کے قیمتی سامان سے محروم رہا ..

مجھ کو خواہش ہی ڈھونڈنے کی نہ تھی ..
مجھ میں کھویا رہا،،، خدا میرا ..................!!